კომპანიის შესახებ

GMC Motors — სოფლის მეურნეობისა და სამშენებლო ტექნიკის ერთ-ერთი მოწინავე იმპორტიორი კომპანია საქართველოში, რომელიც წარმატებით საქმიანობს 2002 წლიდან და 2013 წელს განახორციელა რებრენდინგი. კომპანია წარმოადგენს საერთაშორისო ბრენდების, მათ შორის Lovol-ის, ოფიციალურ წარმომადგენელს საქართველოში და ცნობილია მაღალი ხარისხის პროდუქციით, სანდო სერვისითა და პროფესიონალი გუნდით. GMC Motors აღიარებულია როგორც საერთაშორისო ისე ლოკალურ ბაზარზე უამრავი ბიზნეს-რეიტინგებითა და დაჯილდოებებით.

პოზიციის მიზანი

სამეურნეო სამსახურის თანამშრომელი პასუხისმგებელია გაყიდული ტრაქტორების და სხვა სასოფლო-სამეურნეო ტექნიკის მომზადებაზე, შემოწმებაზე და საბოლოო ჩაბარებაზე მომხმარებელთან.
მისი მთავარი მიზანია, უზრუნველყოს, რომ თითოეული მანქანა გაიცეს სრულად გამართულ, მოწესრიგებულ და უსაფრთხო მდგომარეობაში, რაც ქმნის GMC Motors-ის მაღალ სანდოობას და კლიენტის კმაყოფილებას.

ძირითადი მოვალეობები

• გაყიდული ტრაქტორისა და სხვა ტექნიკის ტექნიკური შემოწმება;
• ზეთის, ფილტრების და საჭირო სხვა სერვისული ნაწილების შეცვლა;
• ახალი ტრაქტორის აწყობა, ნაწილების შერწყმა და დაკომპლექტება გაყიდვამდე;
• ვიზუალური და ფუნქციური დათვალიერება ტექნიკის ჩაბარებამდე;
• ტექნიკის დამუშავება, გაწმენდა და მომზადება კლიენტთან გადაცემამდე;
• გამოვლენილი მცირე დაზიანებების აღმოფხვრა და საჭიროების შემთხვევაში სერვისის უფროსთან კომუნიკაცია;
• ტექნიკის დოკუმენტაციის შემოწმება და გადაცემა გაყიდვების გუნდთან კოორდინაციით;
• ყველა შესრულებული სამუშაოს აღრიცხვა ბაზაში (მოტოსაათი, თარიღი, პასუხისმგებელი პირი);
• სამსახურებრივი ხელსაწყოების და სამუშაო ადგილის მოწესრიგება და კონტროლი.

საკვალიფიკაციო მოთხოვნები

• მინიმუმ 2 წლიანი სამუშაო გამოცდილება ტექნიკის ან ტრაქტორების სერვისში/მომზადებაში;
• ტექნიკური ან პროფესიული განათლება;
• სასურველია გამოცდილება სასოფლო-სამეურნეო ან სამშენებლო ტექნიკის სფეროში;
• ტრაქტორის ნაწილების ცოდნა და მათი აწყობის უნარი;
• კატალოგებისა და ტექნიკური დოკუმენტაციის გამოყენების უნარი;
• მართვის მოწმობა (B კატეგორია);

საჭირო უნარ-ჩვევები

• დეტალებზე ორიენტირებული მიდგომა;
• პასუხისმგებლობის მაღალი გრძნობა და დისციპლინა;
• დამოუკიდებლად და გუნდურად მუშაობის უნარი;
• დროის ეფექტური მართვის უნარი;
• პრობლემის ანალიზისა და ოპტიმალური გადაწყვეტილების მიღების უნარი;
• კომუნიკაბელურობა და კლიენტზე ორიენტირებული დამოკიდებულება.

ჩვენ გთავაზობთ

• სტაბილური დასაქმება წამყვან საერთაშორისო ბრენდთან – GMC Motors;
• ბონუსური სისტემა შესრულებული სამუშაოს ხარისხის მიხედვით;
• კარიერული განვითარების შესაძლებლობა სერვისის მიმართულებით;
• ტრენინგები და ტექნიკური სწავლებები საქართველოში და უცხოეთში;
• ჯანმრთელობის დაზღვევა და სხვა კორპორატიული ბენეფიტები;
• პროფესიონალ გუნდთან თანამშრომლობა უსაფრთხო და განვითარებად გარემოში.